Dieuswalwe Azémar, yon enspektè polis nasyonal la, fè sèman l ap jwenn sila yo ki asasinen Mikayida, yon jenn fi sèzan.
Byen vit li pral dekouvri gen lòt jenn yo asasinen menm jan.
krim sa yo gen awè ak yon rityèl satanik pou pran epi kenbe pouvwa politik la.
Sòti Kafoufèy rive Dèlma, pase Frè, janbe Leyogàn, enspektè a p ap pran souf nan chèche asasen yo nan yon peyi k ap depafini anba vyolans ak koripsyon. Gang yo, politisyen atoufè yo, polisye ki vann tèt yo, tout sèmante y ap elimine enspektè a anvan. Dieuswalwe Azéemar di tèt li : «Lè ou deja gen yon pye w nan sèkèy ou, ou pa pè lanmò ankò»
