Pwogram p ap fè m bliye
si je m
Plen douvan jou ladan l
Kite m bwè lannwit mwen sou kote
Kite m mate malè m jouk powèm nan mi nan menm
Kanmarad
men yon chan kouto pa ka blese
men yon pawòl k ap grennen sezon
m vin di
Silans ki salye mo pa pi lou pase lank
m vin di
Powèt se bondye pou fraz k ap aprann vole
anverite
Powèm se sel kafou m janbe
Ki pa gen vil
Ki ap kriye nan mouchwa
tennfas m ap fè bras
tennfas m ap gade Desalin nan je
Pou m fè fas ak lonbraj mwen
